Raffles ခွဲစိတ်အထူးကုဌာန။
လက်တွေ့စိတ်ဝင်စားမှု
အူလမ်းကြောင်းကင်ဆာ၊ စအိုရောဂါများ (လိပ်ခေါင်း၊ စအိုပြည်တည်နာ နှင့် စအိုပေါက်အရေပြားကွဲခြင်း)၊ အူလမ်းကြောင်းနံရံ တွင်ဖြစ်ပေါ်သောအိတ်၊ အူသိမ်အူမရောင်ရမ်းခြင်းရောဂါ၊ အစာအိမ်မှန်ပြောင်းကြည့်ခြင်း နှင့် အူလမ်းကြောင်းမှန်ပြောင်းကြည့် ခြင်း၊ သည်းခြေအိတ်ရောဂါအတွက် ဝမ်းတွင်းအင်္ဂါကြည့်ကိရိယာဖြင့် အပေါက်ဖောက်ခွဲစိတ်ခြင်း၊ ဝမ်းတွင်းအင်္ဂါကြည့်ကိရိယာ ဖြင့် အူမကြီးနှင့်အစာဟောင်းလမ်းကြောင်းခွဲစိတ်ခြင်း၊ ဖြစ်နိုင်သမျှအသေးဆုံးထိုးဖောက်ခွဲစိတ်နည်းဖြင့် လိပ်ခေါင်းနှင့်အူကျ ခြင်းတို့အတွက်ခွဲစိတ်မှု။
ကိုယ်ရေးရာဇဝင်
ဒေါက်တာ Wong Kutt Sing သည် Lim Boon Keng ပညာသင်ဆုဖြင့် NUS မှ MBBS ဘွဲ့ကိုရရှိခဲ့သည်။ Edinburgh ခွဲစိတ်ဆိုင်ရာတော်ဝင်ကောလိပ်၊ Glasgow ခွဲစိတ်ဆိုင်ရာတော်ဝင်ကောလိပ် နှင့် စင်ကာပူဆေးတက္ကသိုလ်တို့၏အဖွဲ့ဝင် ဖြစ်သည်။ ၂၀၀၂ ခုနှစ် စင်ကာပူအစိုးရ၏ ကျန်းမာရေးဖွံ့ဖြိုးတိုးတက်ရေးစီမံချက်ပညာသင်ဆုဖြင့် အမေရိကန်နိုင်ငံ Cleveland ဆေးရုံ၌ အူလမ်းကြောင်းခွဲစိတ်ခြင်း အဆင့်မြင့်သင်တန်းပြီးဆုံးခဲ့သည်။
Cochrane အူလမ်းကြောင်းကင်ဆာအဖွဲ့တွင်အသင်းဝင် နှင့် အပြည်ပြည်ဆိုင်ရာ Anastomotic Leak လေ့လာရေးအဖွဲ့၏ ပူးပေါင်းဆောင်ရွက်သူလည်းဖြစ်သည်။ သြစတေးလျနှင့်နယူးဇီလန်ခွဲစိတ်ဂျာနယ်၊ အာရှခွဲစိတ်ဂျာနယ် အစရှိသည့်ဂျာနယ်များ တွင်ပါဝင်ရေးသားခြင်း၊ အူလမ်းကြောင်းရောဂါများနှင့်နောက်ဆုံးပေါ်ခွဲစိတ်ကုထုံးအကြောင်းတို့ကို ၂၀၀၅ ခုနှစ် ဒုတိယအကြိမ် ပုံနှိပ်ထုတ်ဝေသည့် စာအုပ်အခန်းကဏ္ဍတွင် ပါဝင်ရေးသားခဲ့သည်။ စင်ကာပူဆေးတက္ကသိုလ်၏ နှစ်အလိုက်မှတ်တမ်းများ၊ စင်ကာပူဆေးဂျာနယ်တို့တွင် စာမူသုံးသပ်သူလည်းဖြစ်သည်။ နှစ်အလိုက်မှတ်တမ်းများကို အရည်အသွေးပြည့်ဝစွာ သုံးသပ်နိုင်မှုအတွက် ၂၀၁၀၊ ၂၀၁၁ နှင့် ၂၀၁၅ တို့တွင် ရွှေတံဆိပ်ဆုကိုချီးမြှင့်ခြင်းခံရခဲ့သည်။
ဒေါက်တာ Wong သည် NUS Yong Loo Lin ဆေးကျောင်းတွင် တွဲဖက်စီနီယာကထိက နှင့် MBBS နောက်ဆုံးအဆင့် စာမေးပွဲများ၏ ခွဲစိတ်မှုအပိုင်းတွင် လက်တွေ့စာစစ်သူလည်းဖြစ်သည်။ စင်ကာပူ အူလမ်းကြောင်းဆိုင်ရာခွဲစိတ်ဆရာဝန်ကြီး များအဖွဲ့အစည်း ဖွဲ့စည်းစဉ်ကပါဝင်ခဲ့သောအဖွဲ့ဝင်ဖြစ်သည်။ နိုင်ငံတော်အဆင့်တွင် ၂၀၀၇ နှင့် ၂၀၀၈ ခုနှစ်တို့၌ ရွှေတံဆိပ်ဆု နှင့် ဝန်ဆောင်မှုထူးချွန်ဆုများကိုရရှိခဲ့ဖူးသည်။ ၂၀၁၀ ခုနှစ်တွင် Raffles Medical Group မှ ဝန်ဆောင်မှုအထူးဆု (Service Star Award) ကိုလည်း ချီးမြှင့်ခြင်းခံရခဲ့သည်။ အချိန်ပြည့်စစ်မှုထမ်းဆောင်စဉ်၌ ဆေးဘက်ဆိုင်ရာအရာရှိဗိုလ်လောင်း သင်တန်းတွင် ထိပ်တန်းအရာရှိဖြစ်ခဲ့သည်။ ၂၀၁၅ ခုနှစ်တွင် ဒေါက်တာ Wong သည် လိပ်ခေါင်းခွဲစိတ်ကုသမှု လက်တွေ့စာတမ်း၏ တွဲဖက်စာရေးဆရာလည်းဖြစ်သည်။
